Leo porque os libros son o meu produto psicodélico. Xa saben, os ‘hippies’ chamábanlle psicodélico ao que eles consideraban que lles aumentaba o campo da conciencia (Psicodelia, etimoloxicamente, é “o que manifesta a alma). Eles, para iso, empregaban as drogas. A min abóndame coa lectura. Desde ela entendo mellor o mundo e enténdome mellor a min. Unha vida, por intensa e interesante que sexa, é só unha. Cando nos embarcamos nun novo libro embarcámonos tamén nunha nova vida. Temos, ademais da propia, tantas vidas como libros lemos.
Marica Campo, escritora
Comentarios
Publicar un comentario