A HISTORIA DO PERGAMIÑO VINDEL CANTADA POLO ALUMNADO DE MÚSICA
O alumnado de música do IES POETA DÍAZ CASTRO presenta un vídeo clip titulado DA CANTORA MADAN AGI incluíndo linguaxe de signos, dirixidos pola súa profesora Sandra Tenreiro Doldán, conseguen difundir a cultura e a lírica galaico portuguesa, celebrando a chegada do Pergamiño Vindel.
DA CANTORA MADAN AGI_ CANTIGA DA NAMORADA
Con música integramente interpretada por todos
os alumnos que voluntariamente quixeron participar na gravación e parte da
realización, participamos no Certame convocado pola Secretaría Xeral de
Política Lingüística e a Secretaría de
Cultura, mais o noso vídeo non foi premiado, polo que non conseguimos a viaxe
para achegarnos a ver en Vigo o Pergamiño Vindel. Agora que saibades, que
atendendo as bases da convocatoria, estamos seguros de que temos premio en integración, xa que
participou todo o alumnado, independentemente do seu nivel de formación
musical, que fixemos un vídeo atendendo
á diversidade utilizando a linguaxe
de signos, para chegar coa nosa música mais lonxe e aínda mais, conseguimos
traer o mar á chaira...e iso é insuperable!!.
A música inédita composta por Sandra Tenreiro fúndese nunha única peza coa
Cantiga I de Martín Codax . Parabéns a todos!! Un paso adiante!! Grazas a
todos os amigos que participaron con nós e fixeron este traballo posible!.
Comentarios
Publicar un comentario